Boas tardes rapazada!
Nesta nova entrada, déixovos o primeiro recurso dixital!
Trátase dunha páxina web onde podedes atopar ata 13 ferramentas interactivas musicais.
Esta páxina como o seu propio nome indica vainos
deixar experimentar coa música, ritmos e melodías con diversas aplicación. Está
en inglés pero o seu funcionamento é moi sinxelo. De todos modos, fixen unha
pequena explicación dos mesmos e existen un montón de titoriais en “youtube”.
Aí vai unha pequena selección:
INFANTIL E TODA A PRIMARIA:
Ante a falta de
instrumentos nas nosas casas, amósovos esta aplicación para facer ritmos
musicais cun montón de sons de diferentes instrumentos de percusión. Hai 4
opcións desprazándovos coas frechas dos laterais. É súper divertido!!
Actividade: https://musiclab.chromeexperiments.com/Rhythm/
INFANTIL E TODA A PRIMARIA:
Outra das opcións
é esta que a través do trazo e dependendo da forma (triángulo, círculo,
garabato ou raia) fai un son ou outro. Probade porque é moi interesante!
INFANTIL, 1º E 2º PRIMARIA:
Para crear melodías sinxelas e podéndolle cambiar o tempo, temos este
outro xogo, no que simplemente marcamos os cadradiños en diferentes alturas
(notas) e prememos no PLAY.
TODA A PRIMARIA:
Este xogo é un pouco máis
complexo, pero que sempre está apto para probar e ver que melodía nos sae, a
pequen@s e maiores.
Os recadros de cores son as notas musicais: do, re, mi, fa, sol, la, si e do´
en dúas octavas (grave e aguda), se poñemos un so recadro será unha negra, e se
poñemos dous serán dúas corcheas. Os círculos son o bombo da batería e os
triángulos a caixa. (Recorda que o bombo sempre vai na parte forte e a caixa en
forte ou débil). Animádevos a compoñer?? Ao rematar podedes gardar as vosas
composicións!
3º-6º PRIMARIA:
Para
practicar a entoación, temos esta roda cos acordes/arpexios. Premendo nunha das
cores danos un acorde, e dándolle ao PLAY soará o acorde que podemos repetir
cantando con “la”, “na”... ou calquera sílaba que se che ocorra. Intentámolo?
Ademais, podedes darlle ou quitarlle velocidade premendo no metrónomo (abaixo á
dereita) ou cambiar o sons da arpa pola do piano (abaixo á esquerda).
 |
No hay comentarios:
Publicar un comentario