XOGOS EN FAMILIA

XOGOS EN FAMILIA

-      Baile das estatuas: Bailamos ao ritmo da música e cando pare quedamos quietos coma estatuas ata que volva a soar.

-      Xogo de identificación de sons: Buscamos utensilios da casa que fagan sons, e xogamos a identificar o sons cos ollos pechados.

-      Xogo de imitación “Baile en familia”: Por parellas ou pequeno grupo familiar, o primeiro propón un movemento e seguinte ten que imitalo e engadir un novo, e así sucesivamente, ata que un deles se equivoque ou non recorde a orde dos movementos.

-      Xogo do guía: Por parellas, un toca un instrumento de percusión se temos ou símil (tixola, vaso...) e o outro cos ollos tapados cun pano sígueo empregando o sentido do oído, sorteando os diferentes obstáculos e chegando a unha meta proposta.

-      Xogo da pelota: Intentamos levar o ritmo dunha canción botando unha pelota. Probamos con diferentes cancións para identificar ritmos rápidos ou ritmos lentos.

-      Xogo dos globos: Unha vez soe a música, o capitán di unha parte do corpo coa que intentar que o globo non caia ao chan. Unha vez pare a música, quedamos quietos e observamos como o globo vai caendo ao chan lentamente. Unha vez comece de novo, teremos que coller outro globo diferente e dicir outra parte do corpo diferente.

A DISFRUTAR!!!!!!!!!!